ក្រុមអ្នកតំណាងរាស្ត្រគណបក្សសមរង្ស៊ីស្នើសុំផ្អាកការបោះបង្គោលព្រំដែនលេខ២៧០

ក្រុមអ្នក តំណាង រាស្ត្រ គណ បក្ស សម រង្ស៊ី ចំនួន ២២រូប កាល ពីថ្ងៃទី ២៧
ខែ ឧសភា ម្សិលមិញ នេះ បាន នាំគ្នា ចុះហត្ថលេខា លើ លិខិត មួយ ច្បាប់
ដែល ស្នើសុំ ទៅ នាយករដ្ឋ មន្ត្រីហ៊ុន សែន តាម រយៈ លោក ហេង សំរិន
ប្រធាន រដ្ឋសភា ដើម្បី ធ្វើយ៉ាង ណា ឱ្យមាន ការផ្អាក ការ បោះ បង្គោល
ព្រំដែន លេខ២៧០ ស្ថិតក្នុង ភូមិ អញ្ចាញ ឃុំ ជ័យជោគ ស្រុក បុរីជល
សារ ខេត្ត តាកែវ។

លិខិតរបស់ក្រុមអ្នកតំណាង រាស្ត្រគណបក្សសមរង្ស៊ីមានខ្លឹមសារជាអាទិ៍ថា យើងខ្ញុំជាអ្នកតំណាង
រាស្ត្រ សូមស្នើឱ្យ រាជរដ្ឋាភិបាលផ្អាកការបោះ បង្គោលព្រំដែនលេខ២៧០ស្ថិតក្នុងភូមិអញ្ចាញ ឃុំ
ជ័យជោគ ស្រុកបុរីជលសារ ខេត្តតាកែវ សិនព្រោះបង្គោលព្រំដែនលេខ២៧០ដែលគណៈកម្មាធិការ
ព្រំ ដែនកម្ពុជា-វៀតណាមកំពុង សាងសង់នាពេលនេះ គឺស្ថិតនៅក្នុងទឹកដីប្រទេសកម្ពុជា ដែលធ្វើ
ឱ្យបាត់បង់ដីស្រែរាប់សិប ហិកតារបស់ប្រជាកសិករខ្មែរនៅស្រុកបុរីជលសារ។

ខ្លឹមសារនៃលិខិតដដែលនោះ បានបន្តទៀតថា ប្រជាកសិករម្ចាស់ដីស្រែ នៃស្រុកបុរីជលសារបាន
ធ្វើការតវ៉ាម្តងរួចមក ហើយអំពីការបោះតម្រុយបង្គោល ព្រំដែនលេខ២៧០នេះនៅលើដីស្រែពួក
គាត់ប៉ុន្តែពុំមានដំណោះស្រាយ។

លិខិតក្រុមអ្នកតំណាងរាស្ត្រ គណបក្សសមរង្ស៊ីបានសង្កត់ធ្ងន់ថា «ការបោះបង្គោលព្រំដែនលេខ
២៧០នេះ គឺស្ថិតនៅលើដី ស្រែប្រជាកសិករខ្មែរ មិនមែន ស្ថិតនៅលើខ្សែបន្ទាត់ព្រំដែនដូចមាន
កំណត់ក្នុងផែនទីផ្លូវការឆ្នាំ ១៩៥២ មាត្រដ្ឋាន ១/១០០០០០ដែលត្រូវបានទទួលស្គាល់ជាអន្តរជាតិ
នៅចន្លោះឆ្នាំ១៩៦៣ -១៩៦៩ នោះឡើយ»។

ដោយសារតែហេតុដ៏អាក្រក់នេះហើយទើបក្រុមអ្នកតំណាងរាស្ត្រគណបក្សសមរង្ស៊ីសុំឱ្យរដ្ឋា
ភិបាលលោក ហ៊ុន សែន ផ្អាក ការបោះបង្គោលព្រំដែនលេខ ២៧០នេះសិន និងសុំឱ្យមានការ
វាស់វែងឡើងវិញដោយ ផ្អែកលើនិយាមការត្រឹមត្រូវ ដើម្បីធានាកុំឱ្យប្រជាកសិករបាត់បង់ដីស្រែ
ដែលជាកេរមរតក ពីដូនតារបស់ពួកគាត់៕

read more...

សមាជិកសភាគណបក្សប្រជាជនបោះឆ្នោតពង្រីកសមាជិកគណៈរដ្ឋមន្ត្រីឱ្យក្បាលធំជាងដងខ្លួន

ក្នុង សម័យ ប្រជុំ ពេញ អង្គ នៃ រដ្ឋសភា កាល ពី ថ្ងៃទី ២៧ ខែ ឧសភា ឆ្នាំ
២០១០ ម្សិលមិញ ដែល មាន វត្តមាន លោកនាយក រដ្ឋមន្ត្រី ហ៊ុន សែន
ដែរ នោះ រដ្ឋសភា ដែល មាន សម្លេង ភាគច្រើន មកពី គណបក្ស ប្រជាជន
កម្ពុជា បានបោះឆ្នោត ពង្រីក សមាជិក គណៈរដ្ឋមន្ត្រី ដែល មាន ច្រើន
ស្រាប់ ហើយ នោះ ឱ្យកាន់តែ មានក្បាលធំ ជាងដងខ្លួន ថែម ទៀត ។

របៀបវារៈចំនួន៤ ដែលរាប់បញ្ចូលទាំងការបោះឆ្នោតកែសម្រួលសមាជិកគណៈរដ្ឋមន្ត្រីផងនោះ
គឺមានការជ្រើសរើសសមាជិកក្រុមប្រឹក្សាធម្មនុញ្ញមួយរូប សម្រាប់អាណត្តិថ្មី ឆ្នាំ ២០១០-២០១៩,
ការពិភាក្សាលើសេចក្តីព្រាងច្បាប់ ស្តីពីការ អនុម័តយល់ព្រមលើការធានាទូទាត់របស់រាជរដ្ឋាភិ
បាល នៃ ព្រះរាណាចក្រកម្ពុជាអោយទៅក្រុមហ៊ុនខេមបូឌានទ្រែនមីសិនលីមីធិតនិងការពិភាក្សា
អនុម័តសេចក្តីព្រាងច្បាប់ ស្តីពីការអនុ ម័តយល់ព្រមលើផែនការយុទ្ធសាស្ត្រអភិវឌ្ឍន៍ជាតិ បច្ចុប្បន្ន
កម្ម ឆ្នាំ២០០៩-២០១៣ ។

ក្នុងសម័យប្រជុំដែលមានវត្តមានអ្នកតំណាងរាស្ត្រចំនួន១០៨រូប នៅថ្ងៃម្សិលមិញនោះ សមាជិក
សភាចំនួន៩៧រូប បាន បោះឆ្នោតគាំទ្រលោកមឹនស៊ាន ជាអ្នកតំណាងរាស្ត្រមណ្ឌលព្រៃវែងជាសមា
ជិកក្រុមប្រឹក្សាធម្មនុញ្ញជំនួសលោកតុប សំ ដែលផុតអាណត្តិ ។

របៀបវារៈបន្ទាប់នោះសមាជិកសភាបោះឆ្នោតជ្រើសតាំងសមាជិកគណៈរដ្ឋមន្ត្រីចំនួន១១ រូប តាម
សំណើរបស់រដ្ឋាភិបាលដែលអ្នកទាំងនោះ មានឈ្មោះ ដូចខាងក្រោម ៖
១-លោកឈៀង យ៉ាណារ៉ា ជារដ្ឋមន្ត្រីអមនាយករដ្ឋមន្ត្រី
២-លោកយុទ្ធ ភូថង ជារដ្ឋ លេខាធិការក្រសួងកសិកម្ម
៣-លោកប៊ុន សំបូរ ជារដ្ឋ លេខាធិការ ទីស្តីការ គណៈរដ្ឋ មន្ត្រី ។
៤-លោកសុខុម ភគវន្តមុនី ជារដ្ឋលេខាធិការក្រសួងសាធា រណៈការ និងដឹកជញ្ជូន
៥-លោកស៊ាន បូរ៉ាត ជារដ្ឋ លេខាធិការក្រសួងអប់រំ
៦-លោកស្រី សឿង រដ្ឋចាវី ជារដ្ឋលេខាធិការក្រសួងការបរ ទេស
៧-លោកញងី តាយី ជារដ្ឋ លេខាធិការក្រសួងសេដ្ឋកិច្ច និង ហិរញ្ញវត្ថុ
៨-ហង់ ជួនណារ៉ុន ជារដ្ឋ លេខាធិការក្រសួងសេដ្ឋកិច្ច និង ហិរញ្ញវត្ថុ
៩-លោកធា គ្រុយ ជារដ្ឋ លេខាធិការក្រសួងសុខាភិបាល
១០-លោកទុំ សម្បុរ ជារដ្ឋ លេខាធិការក្រសួងការពារជាតិ ជំនួសលោកហ៊ុន ភឿង
១១-លោកតាន់ វុដ្ឋា ជារដ្ឋ លេខាធិការក្រសួងការបរទេស ជំនួសលោក ហាក់ សាវុទ្ធ
ដែលអ្នកទាំង១១រូបនេះ ត្រូវបាន សមាជិករដ្ឋសភាចំនួន៨៧រូប បោះឆ្នោតគាំទ្រ ហើយចំនួន ១៨រូប
មិនយល់ព្រម និងចំនួន ៣រូបអនុប្បវាទ ។

មន្ត្រីគណបក្សសម រង្ស៊ីបាន ហៅការជ្រើសតាំងបន្ថែមសមាជិកគណៈរដ្ឋមន្ត្រី ចំនួន១១រូបនេះថា
ជាការបំប៉ោងក្បាលរដ្ឋា ភិបាល ឱ្យធំជាងដងខ្លួន ខណៈ ដែលសមាជិកគណៈរដ្ឋមន្ត្រីជាច្រើនរូបនៅ
តាមក្រសួងខ្លះគ្មានការងារធ្វើផងនោះ ។

លោកយឹម សុវណ្ណ អ្នកនាំពាក្យគណបក្សសម រង្ស៊ី ព្រម ទាំងជាសមាជិករដ្ឋសភា របស់គណបក្ស
ផងបានអធិប្បាយថា វាមិនមានចាំបាច់អ្វីនឹងតែងតាំងសមាជិកគណៈរដ្ឋមន្ត្រី ថែមទៀតនោះទេ នៅ
ក្នុងស្ថានភាពដែលប្រទេសកម្ពុជា យ៉ាប់លំបាក ហើយប្រជារាស្ត្រក្រីក្រ ពីព្រោះការបង្កើតតំណែង
ថែម ទៀតនេះ វានឹងបង្កើនការិយា ធិបតេយ្យទៀត ក៏ដូចជាបង្កើនទម្លាប់នៃអំពើពុករលួយដែរ ។
លោកបានសង្កត់ថា គណបក្ស សម រង្ស៊ី ឈរនៅជាមួប្រជារាស្ត្រប្រឆាំងដាច់ខាតនឹងគំនិតបែបនេះ
ដែលស្របនឹងនេះដែរ មន្ត្រីអង្គការសង្គមស៊ីវិលលោក ធន សារាយ នៃសមាគមការពារសិទ្ធិមនុស្ស
អាដហុកនោះបានទិទៀនថា នេះគឺជានយោបាយរបស់រដ្ឋាភិបាល នៅក្នុងការព្យាយាមពង្រឹង
ស្ថេរភាពអំណាចរបស់ខ្លួន ដោយមិនគិតដល់ការខ្វល់ព្រួយរបស់ប្រទេសជាតិ និងប្រជារាស្ត្រនោះ
ទេ ។

លោកបានថ្លែងថាការបង្កើត តំណែងថ្មី ឱ្យមនុស្សកាន់ដូច្នេះ បង្កើនបន្ទុកចំណាយរបស់ថវិកា
ជាតិនេះ វានឹងបង្កើតជាបញ្ហាថ្មី កាន់តែច្រើនមានដូចជាការផ្តល់ ឱកាស ឱ្យមានការប្រើអំណាច
តំណែង រំលោភលើសិទ្ធិរបស់ ប្រជារាស្ត្រ ក៏ដូចជាបញ្ហាដទៃ ទៀត រួមទាំងបញ្ហាដីធ្លីជាដើមនោះ ។

លោកអំ សំអាត មន្ត្រីស៊ើប អង្កេត អង្គការការពារ សិទ្ធិ មនុស្ស នៃអង្គការលីកាដូ បានមានប្រសា
សន៍ពាក់ព័ន្ធនឹងការតែងតាំងសមាជិកគណៈរដ្ឋមន្ត្រីបន្ថែមចំនួន១១រូបនេះទៀតថា «ខ្ញុំឆ្ងល់ថា កម្ពុជា
យើងមានរដ្ឋមន្ត្រី រដ្ឋលេខាធិការ និងអនុរដ្ឋលេខាធិការមានច្រើនណាស់ ហើយ, ហើយការងារនៅ
តាម ក្រសួងហ្នឹងវាគ្រប់គ្រាន់ល្មមហើយ ។ ការបន្ថែមទៀតនេះ ទីមួយមាសភាពច្រើនពេក វាអស់
លុយ ប្រចាំការងារគ្នា...។ ទីពីរខ្ញុំថា តម្លើងមុខងារច្រើន អញ្ចឹងទៅវាអាចប៉ះពាល់ដល់ការចំណាយ
ថវិកាច្រើន»៕

read more...

បក្សប្រឆាំងនិងសង្គមស៊ីវិលទាមទារឱ្យម្ចាស់ជំនួយជួយតម្រង់ផ្លូវរដ្ឋាភិបាល

លោក សុន ឆ័យ អ្នក តំណាង រាស្ត្រ គណបក្ស សម រង្ស៊ី បាន មាន ប្រសាសន៍ ថា
ម្ចាស់ ជំនួយ គួរតែ យក ឱកាស នេះ ដើម្បី ជម្រុញ រដ្ឋា ភិបាល ធ្វើការ កែប្រែ ឱ្យ
ប្រសើរ ឡើង នូវ តម្លាភាព លើចំណូល ដែល បាន មកពី ធនធានរ៉ែ និង
ចំណូល ផ្សេងៗ។

អ្នកតំណាងរាស្ត្រដែលមានថ្វីមាត់រូបនេះបានសង្កត់ធ្ងន់ថា «ម្ចាស់ជំនួយមានសិទ្ធិពេញលេញក្នុង
ការទាមទារឱ្យរដ្ឋាភិបាលមានតម្លាភាពមុនពេលពួកគេផ្តល់ជំនួយបន្ថែមទៀត »។

ជាមួយគ្នានេះ លោក សុន ឆ័យ បានចោទជាសំណួរថា តើអ្នកអាចនិយាយអំពីអភិបាលកិច្ចល្អយ៉ាង
ដូចម្តេចនៅពេលដែលរដ្ឋាភិបាលមិនបានរៀបចំឱ្យមានតម្លាភាពផងនោះ ?

ដោយឡែកសកម្មជនម្នាក់ នៃអង្គការឃ្លាំមើលបរិស្ថានពិភព លោក (Global Witness) បានលើក
ឡើងថាបញ្ហាដ៏ចម្បង មួយគឺជាស្តង់ដាររួមនេះ មិនឯកភាពគ្នា។«ដូច្នេះវាគ្មានធ្មេញទេ»។

សកម្មជនដដែលនេះបាន ថ្លែងទៀតថា «ជំនួយបន្តហូរចូលទោះបីជាពុំមានការអនុវត្ត ឬពុំមាន
ដំណើរការឆ្ពោះទៅរក ស្តង់ដារនោះយ៉ាងណាក៏ដោយ»។

យើងគួរបញ្ជាក់ផងដែរថា បញ្ហាសិទ្ធិទទួលបានដីធ្លីបរិស្ថាននិងតម្លាភាពចំណូលបានមកពីឧស្សា
ហកម្មរុករករ៉ែគឺជាចំណុច ចាប់អារម្មណ៍នៅក្នុងអនុសាសន៍ របស់អង្គការសង្គមស៊ីវិលដែលបាន
ផ្សព្វផ្សាយនៅមុនពេលមានកិច្ចប្រជុំដ៏សំខាន់រវាងរដ្ឋាភិបាល និងប្រទេសម្ចាស់ជំនួយ ដែលគ្រោង
នឹងធ្វើនៅសប្តាហ៍ក្រោយនេះ។

ឯកសារដែលបានចេញផ្សាយកាលពីថ្ងៃអង្គារកន្លងទៅ ក្នុងសិក្ខាសាលាមួយនៅទីក្រុងភ្នំពេញ
បានវាយតម្លៃអំពីដំណើរការ វិវឌ្ឍរបស់រដ្ឋាភិបាលលើស្តង់ ដារកំណែទម្រង់មួយចំនួនដែលគេ
ស្គាល់ថា ជាសូចនាករត្រួត ពិនិត្យរួមគ្នា ដែលត្រូវបានភ្ជាប់ ទៅនឹងការផ្តល់ឱ្យនូវជំនួយអភិ វឌ្ឍន៍
ពីប្រទេសម្ចាស់ជំនួយ។

សិក្ខាសាលានេះត្រូវបានរៀបចំឡើងនៅមុនវេទិកាសហប្រតិបត្តិការអភិវឌ្ឍន៍កម្ពុជាដែលគ្រោង
នឹងធ្វើឡើងនៅថ្ងៃទី២ និងទី៣ ខែ មិថុនាឆ្នាំ២០១០ ហើយនៅក្នុងវេទិកានោះ ក្រុមប្រទេសជាម្ចាស់
ជំនួយនឹងធ្វើការវាយតម្លៃលើដំណើរការវិវឌ្ឍន៍របស់រដ្ឋាភិបាលផ្អែកទៅលើសូចនាកររួមគ្នាដែល
បានឯកភាពកាលពីមុននិងបង្កើតអាទិភាពអភិវឌ្ឍន៍ សម្រាប់រយៈពេល១៨ខែបន្ទាប់។

យោងតាមការព្យាករណ៍ របស់ IMF ដែលផ្សព្វផ្សាយកាលពីខែកញ្ញានៅក្នុងវេទិការដ្ឋាភិបាលនិង
ម្ចាស់ជំនួយលើកមុន ដែលប្រព្រឹត្តឡើងក្នុងខែធ្នូ ឆ្នាំ២០០៨ គឺម្ចាស់ជំនួយបានសន្យាផ្តល់ថវិកា
៩៥១,៥លាន ដុល្លារ ជាជំនួយអភិវឌ្ឍន៍ដែល កើនឡើងពី៦៨៩លានដុល្លារលើសឆ្នាំ២០០៧ទៀត។

ក្នុងចំណោមការបារម្ភសំខាន់ៗ ដែលមាននៅក្នុងរបាយការណ៍ លំអិតរបស់អង្គការសង្គមស៊ីវិល
គឺផ្តោតទៅលើបញ្ហាធនធានធម្មជាតិ និងសិទ្ធិដីធ្លីរបស់ប្រជាពលរដ្ឋក្រីក្រ។របាយការណ៍មួយដែល
បានអំពាវនាវឱ្យមានការអនុវត្ត ដោយពេញលេញនូវច្បាប់ភូមិបាលបានលើកឡើងថា ទោះបីជា
សិទ្ធិរបស់ជនជាតិភាគតិច ត្រូវបានទទួលស្គាល់ដោយច្បាប់ ជាតិ និងអន្តរជាតិក្តី ប៉ុន្តែនៅទូទាំង
ប្រទេសមានករណីរំលោភ បំពានធ្ងន់ធ្ងរទៅលើដីធ្លី និងសិទ្ធិទទួលបានធនធានរបស់ពលរដ្ឋជាជន
ជាតិភាគតិច។

មានន័យថា តម្លាភាពនៃចំណូលដែលបានមកពីធនធាន ធម្មជាតិក៏ជាបញ្ហាធំនៅក្នុងវេទិការដ្ឋាភិ
បាលនិងម្ចាស់ជំនួយ នៅសប្តាហ៍ក្រោយនេះដែរ។ ព្រោះក្រោយពីមានការលើកឡើងរបស់លោក
ហ៊ុន សែន កាលពីខែមុនដែលថាក្រុមហ៊ុនប្រេងយក្សរបស់បារាំងតូតាល់បានបង់ប្រាក់សរុប២៨
លានដុល្លារដើម្បីទទួលបានសិទ្ធិរុក រកប្រេងក្នុងទឹកនៅតំបន់ឈូងសមុទ្រកម្ពុជា-ថៃ។

ក្នុងសេចក្តីប្រកាសចេញផ្សាយកាលពីថ្ងៃទី២៩ខែមេសា អង្គការ Global Witness ដែលជាអង្គការ
ឃ្លាំមើលបរិស្ថានពិភព លោកបានលើកឡើងថាវេទិកា នេះគួរតែត្រូវបានប្រើជាឱកាសសម្រាប់ម្ចាស់
ជំនួយសួរសំណួរ ធ្ងន់ៗអំពីការបង់ប្រាក់បែបនេះ។ ហើយថា តើថវិកាទាំងអស់នេះ ត្រូវបានបញ្ចូល
ក្នុងគណនីរបស់ជាតិដែរ ឬទេ ?

របាយការណ៍លំអិតដែល និពន្ធដោយអង្គការពលរដ្ឋកម្ពុជា សម្រាប់តម្លាភាព នៃចំណូលពីធនធាន
ធម្មជាតិបានកោតសរសើររដ្ឋាភិបាលដែលបានដាក់ឱ្យប្រើនូវកម្មវិធីកំណែទម្រង់ការគ្រប់គ្រង
ហិរញ្ញវត្ថុសាធារណៈដែលរួមមានការសន្យាអនុវត្តនូវការផ្តួចផ្តើមតម្លាភាពពីឧស្សាហកម្ម រ៉ែ ដែលជា
ស្តង់ដារអន្តរជាតិ មួយសម្រាប់វិស័យឧស្សាហកម្ម ធនធានរ៉ែ។

យ៉ាងណាក៏ដោយ លោក សុន ឆ័យ សមាជិកសភាគណបក្សសមរង្ស៊ីបានមានប្រសាសន៍ថា ម្ចាស់
ជំនួយគួរតែយកឱកាស នេះដើម្បីជំរុញឱ្យរដ្ឋាភិបាលធ្វើ ការកែប្រែឱ្យកាន់តែប្រសើរឡើងនូវតម្លា
ភាពលើចំណូល ដែលបានមកពីធនធានរ៉ែ និង ចំណូលផ្សេងៗ។

លោកបានបញ្ជាក់ច្បាស់ថា ម្ចាស់ជំនួយមានសិទ្ធិពេញលេញដើម្បីទាមទារឱ្យរដ្ឋាភិបាលក្រុង
ភ្នំពេញមានតម្លាភាពមុនពេល ពួកគេផ្តល់ជំនួយបន្ថែមទៀត។

លោកសុន ឆ័យ បានសង្កត់ ធ្ងន់ថា រហូតមកដល់ពេលនេះ រដ្ឋាភិបាលបានបង្ហាញថា ខ្លួនឯងមាន
ជំនាញក្នុងការបំភ័ន្តម្ចាស់ជំនួយ ហើយថា ជំហររបស់រដ្ឋាភិបាលប្រទេសលោកខាងលិចទន់ជ្រាយ
ដោយសារតែការកើនឡើងនៃឥទ្ធិពលចិន ជាប្រទេសមួយដែលមិនចូលរួមក្នុងដំណើរការនៃវេទិកា
នេះ។

លោក ស៊ិន សុមុន្នី នាយក ប្រតិបត្តិ Medicam ដែលជាសម្ព័ន្ធអង្គការនៃអង្គការក្រៅរដ្ឋាភិបាលធ្វើ
ការងារទាក់ទង នឹងបញ្ហាសុខភាពបានថ្លែងថា ដំណើរការវេទិកានេះមានតម្លៃខ្លាំងណាស់សម្រាប់
ការពង្រឹងវប្បធម៌នៃការបើកចំហរចំពោះការផ្លាស់ប្តូររវាងស្ថាប័នរដ្ឋាភិបាល និងអង្គការក្រៅរដ្ឋាភិ
បាល។ ដូច្នេះយើងត្រូវតែកែប្រែវប្បធម៌នៃការពិភាក្សាក្នុងចំណោមអ្នកនយោបាយ និង សង្គមស៊ីវិល
យើងត្រូវតែបង្កើត វប្បធម៌នៃការពិភាក្សាឱ្យកាន់តែទូលំទូលាយថែមទៀត៕

read more...

សមាជិកសភាអូស្ត្រាលីម្នាក់ថាមន្ត្រីកម្ពុជាពាក់ព័ន្ធនឹងអំពើពុករលួយលក្ខណៈអន្តរជាតិ

នៅពេល ដែល លោកនាយក រដ្ឋមន្ត្រី ហ៊ុន សែន នៃ ប្រទេស កម្ពុជាមាន
ប្រតិកម្ម ខ្លាំងៗ ទៅលើ អង្គការ Global Witness ក៏ ស្រាប់ តែមាន របាយ
ការណ៍ មួយ ថ្មីទៀត ដែល បញ្ជាក់ ដោយ អ្នក តំណាងរាស្ត្រ ម្នាក់ របស់
ប្រទេស អូស្ត្រាលី និយាយ ថា អាចនឹង មាន មន្ត្រីកម្ពុជា ពាក់ព័ន្ធ នឹង អំពើ
ពុក រលួយ កំរិតស្តង់ដារ អន្តរជាតិ ។ របាយការណ៍ថ្មីស្រឡាងនេះក៏បាន
ភ្ជាប់មេធាវីជនជាតិបរទេសម្នាក់ជាមួយនឹងក្រុមគ្រួសារសពលោកហុក
ឡងឌី និងក្រុមគ្រួសារលោកនាយករដ្ឋ មន្ត្រីហ៊ុន សែន ដែលមានភាព
ចម្រូងចម្រាស់ ។ ប៉ុន្តែគេនៅមិនទាន់ឃើញមន្ត្រីរដ្ឋាភិបាល ឫក្រុម
ប្រតិកម្មរហ័សរបស់ទីស្តីការគណៈរដ្ឋមន្ត្រីមានប្រតិកម្ម ក្នុងគោលបំណង
លាងសំអាតរបាយការណ៍នេះទេ ។

កាសែតភ្នំពេញប៉ុស្តិ៍បានបោះពុម្ពផ្សាយនៅថ្ងៃទី២៧ ឧសភា ឆ្នាំ២០១០ ម្សិលមិញថា មន្ត្រីកម្ពុជា
អាចជាប់ពាក់នឹងរឿង អាស្រូវអំពើពុករលួយអន្តរជាតិទាក់ទងនឹងក្រុមហ៊ុនអូស្ត្រាលីដែលបានចោទ
ប្រកាន់ថា បាននាំស្រីពេស្យាមកមន្ត្រីបរទេសនិងផ្តល់សំណូកដើម្បីទទួលបានកិច្ចសន្យាបោះពុម្ព
លុយ ។ នេះជាការអះអាង របស់សមាជិកសភាម្នាក់របស់អូស្ត្រាលី កាលពីថ្ងៃទី២៦ឧសភា២០១០។

ក្រុមហ៊ុន Securency គឺជាសាខា របស់ក្រុមហ៊ុន RBA ដែលមានភាគហ៊ុន៥០% ក្នុងក្រុមហ៊ុននេះ។
ក្រុមហ៊ុននេះបោះពុម្ពលុយក្នុងប្រទេសជិត៣០ទូទាំងពិភពលោក ។

ប៉ូលិសសហព័ន្ធរបស់អូស្ត្រាលី (AFP) កំពុងស៊ើបអង្កេតថា តើក្រុមហ៊ុននេះ បានផ្តល់សំណូកដល់
មន្ត្រី នៅម៉ាឡេស៊ី វៀតណាម នីហ្សេរីយ៉ា និងឥណ្ឌូណេស៊ីឫយ៉ាងណា ។

នៅក្នុងអង្គប្រជុំមួយ របស់គណៈកម្មាធិការព្រឹទ្ធសភាសហព័ន្ធកាលពីថ្ងៃអង្គារសប្តាហ៍នេះ លោក
បប់ ប្រោន សមាជិកព្រឹទ្ធសភាបានផ្តល់សញ្ញាមកថា កម្ពុជាអាចជាប្រទេសមួយទៀត ដែលភ្នាក់ងារ
ធ្វើការឱ្យក្រុមហ៊ុន Securency បានប្រព្រឹត្តសកម្មភាពសូកប៉ាន់ ។​លោកបានបន្តថា «ក្នុងរឿងក្រុម
ហ៊ុន Securency​ មន្ត្រីរដ្ឋាភិបាលអាចជាប់ពាក់ព័ន្ធនឹងប្រទេសវៀតណាម ឥណ្ឌូនេស៊ី នីហ្សេរីយ៉ា
ហើយអាចដល់ណេប៉ាល់ និង អាហ្វ្រិកខាងត្បូង ព្រមទាំងប្រទេសកម្ពុជានិងប្រទេសមួយចំនួន
ទៀត »។

លោកបប់ ប្រោន កាលពីខែតុលា ឆ្នាំ២០០៩ បានបង្ហាញថា មេធាវី Daryl Dealehr ដែលមានមូល
ដ្ឋាននៅទីក្រុងមែលប៊ន គឺជាភ្នាក់ងារម្នាក់ របស់ក្រុមហ៊ុន Securency ក្នុងប្រទេសកម្ពុជា ។ លោក
បានបន្តថា «លោក Dealehr មានទំនាក់ទំនងជាមួយនឹងគ្រួសារ របស់លោកហុក ឡងឌី ជាអគ្គស្នង
ការប៉ូលិសជាតិ ដែលបានស្លាប់ ហើយព្រមទាំងមានទំនាក់ទំនងជាមួយគ្រួសារលោក ហ៊ុន សែន
ដែលជានាយករដ្ឋមន្ត្រីប្រទេសកម្ពុជា ដ៏មានបញ្ហាចម្រូងចម្រាស់»។

លោក Daryl Dealehr ជាក្រុមប្រឹក្សាភិបាលនៃសមាគមក្រុមហ៊ុនអាជីវកម្មរ៉ែកម្ពុជានិងជាម្ចាស់ក្រុម
ហ៊ុនរ៉ែឈ្មោះ ធន ធានកម្ពុជាលីមីធីត (Cambodia Resources LTD) ។

លោកស្រី នូវ ចាន់តាណា ទេសាភិបាលរងធនាគារជាតិ នៃកម្ពុជាត្រូវបានភ្នំពេញប៉ុស្តិ៍ដកស្រង់
សម្តីកាលពីថ្ងៃទី២៧ ឧសភា ២០១០ថា លោកស្រីមិនបានដឹងអំពីការចោទប្រកាន់ អំពើពុករលួយ
ប្រឆាំងនឹងក្រុមហ៊ុន Securency ដោយបានបន្ថែមថា ធនាគារគ្មានទំនាក់ ទំនងជាមួយនឹងក្រុមហ៊ុន
នេះទេ។

ប៉ូលិស AFP បាននិយាយក្នុងអ៊ីមែលមួយកាលពីថ្ងៃអង្គារសប្តាហ៍នេះថា មិនសមស្របទេ ក្នុងការ
ផ្តល់យោបល់ណាមួយ លើការដែលអាចពង្រីកការស៊ើបអង្កេតដល់ប្រទេសកម្ពុជា ពីព្រោះថា វាអាច
បំផ្លាញដល់ការស៊ើបអង្កេត៕

read more...

យួនមិនឱ្យពលរដ្ឋខ្មែរក្រោមចូលរួមបុណ្យព្រះពុទ្ធសាសនាលើទឹកដីស្រុកកំណើតរបស់ខ្លួន

អាជ្ញាធរ យួនកាល ពីប៉ុន្មានថ្ងៃ មុននេះ បាន ទប់ស្កាត់ មិនឱ្យ បងប្អូន ប្រជា
ពលរដ្ឋខ្មែរ កម្ពុជាក្រោម ចូលរួម អធិកអធម នៃ ពិធីបុណ្យ ព្រះពុទ្ធសាសនា
មួយ ដែលប្រារឰ ធ្វើឡើង នៅលើទឹកដី របស់ខ្លួនដែល ជាស្រុក កំណើត
របស់ ពួកគាត់ នោះ ទេ ។វិទ្យុសម្លេង ខ្មែរក្រោម ដែលបាន ផ្សាយ នៅតាម
គេហទំព័រ ពីសហរដ្ឋអាមេរិក កាលពីថ្ងៃទី២៦ខែ ឧសភា ឆ្នាំ២០១០ បាន
អោយដឹងថា ព្រះសង្ឃគណៈកម្មការ និងអាចារ្យវត្ត បឹងរ៉ៃ ស្ថិតនៅក្នុង
ភូមិបឹងរ៉ៃ ស្រុកថ្កូវ ខេត្តព្រះត្រពាំង បានរៀបចំពិធីបុណ្យបញ្ចុះសីមា
ចំនួន៣យប់ ៣ថ្ងៃ ទៅតាមប្រពៃណីទំនៀមទម្លាប់ ព្រះពុទ្ធសាសនានៃ
ជនជាតិដើមខ្មែរកម្ពុជាក្រោម ។

ពិធីបុណ្យនោះ ស្ថិតក្រោមការឃ្លាំមើលពីនគរបាលយួនដ៏តឹងរ៉ឹង និងបានប្រើប្រាស់គ្រប់មធ្យោ
បាយដើម្បីទប់ស្កាត់មិន ឱ្យបងប្អូនខ្មែរកម្ពុជាក្រោមមក ពីបណ្តាខេត្តផ្សេងៗចូលរួមទេ។

ពលរដ្ឋ ខ្មែរក្រោមម្នាក់បាន ប្រាប់ វិទ្យុដដែល កាលពីល្ងាច ថ្ងៃទី២៦ ឧសភា ឆ្នាំ២០១០ថា នៅក្នុង
ពិធីបុណ្យនោះ អាជ្ញាធរ យួន បានធ្វើឱ្យមាន ចលាចល ក្នុងគោលបំណងកុំឱ្យប្រជាពលរដ្ឋខ្មែរកម្ពុជា
ក្រោមចូលរួមបានច្រើនកុះករ និងបណ្តាលឱ្យមានអ្នកចូលរួមខ្លះខ្យល់គរដួលសន្លប់ និងស្លាប់មនុស្ស
អស់ជាច្រើនទៀតផង ។

ពលរដ្ឋរូបនោះ បានថ្លែងថា «ថ្ងៃ១២កើត ខែជេស ខ្ញុំបានធ្វើដំណើរទៅចូលរួមក្នុងបុណ្យបញ្ចុះសីមា
ហ្នឹង... មានមនុស្សសន្លប់ពីរបីនាក់ ជាក់ស្តែង ខ្មែរយើងហ្នឹងអាយុប្រហែល ៥០ឆ្នាំ...យួនវាអត់រៀបចំ
សណ្តាប់ ធ្នាប់ នៅទីនោះទេ»។

ប្រជាពលរដ្ឋខ្មែរក្រោម ជា ច្រើននាក់ ដែលចូលរួមនៅក្នុង ពិធីនោះ មានមកពីខេត្តមាត់ជ្រូក ខេត្ត
ពលលាវ ខេត្តឃ្លាំងជាដើម ដែលអ្នកខ្លះបានចូលក្នុងវត្ត និងអ្នកខ្លះចូលមិនបានទេដោយសារតែ
អាជ្ញាធរយួនបង្ក ភាពចលាចល ដើម្បីកុំឱ្យប្រជាពលរដ្ឋចូលទៅក្នុងវត្តបាន ។

ចំពោះអ្នកដែលបានចូល រួម ប្រឆាំង នឹងការហាមឃាត់នេះ ត្រូវអាជ្ញាធរយួន ហាមមិនឱ្យនាំយកវត្ថុ
ដែលពាក់ព័ន្ធជាមួយ នឹងព្រះពុទ្ធសាសនាចូលទៅក្នុងវត្តនោះទេ ។

នៅថ្ងៃទី២៥ ឧសភា ២០១០ អាជ្ញាធរយួនបានហាមឃាត់មិនអោយពលរដ្ឋខ្មែរកម្ពុជាក្រោមនៅ
ខេត្តមាត់ជ្រូកធ្វើដំណើរទៅចូលរួមក្នុងពិធីនោះទេដោយពួកគេបានដេញប្រជាពលរដ្ឋឱ្យចុះពីរថយន្ត
ឈ្នួល ដែលគ្រោងនឹងចេញដំណើរទៅចូលរួមក្នុងពិធីបុណ្យនៅខេត្តព្រះត្រពាំងនោះ ។

ខេត្តព្រះពាំង​ ជាឈ្មោះខេត្ត របស់ខ្មែរកម្ពុជាក្រោមដែលសព្វ ថ្ងៃនេះ យួនបានប្តូរទៅជាខេត្ត
ត្រាវិញ ។

លោកថាច់ សេដ្ឋា ប្រធានសហគមន៍ខ្មែរកម្ពុជាក្រោម និងជាអតីតសមាជិកព្រឹទ្ធសភានៃព្រះរាជា
ណាចក្រកម្ពុជាកាលពីអាណត្តិទី១ បានប្រាប់ខ្មែរម្ចាស់ស្រុក ពាក់ព័ន្ធនឹងអាជ្ញធរយួនហាមឃាត់មិន
អោយប្រជាពលរដ្ឋខ្មែរកម្ពុជាក្រោម ចូលរួមក្នុងបុណ្យព្រះពុទ្ធសាសនានេះថា ករណីនេះគ្មានអ្វីប្លែក
ទេ ពីព្រោះយួនគាបសង្កត់ធ្វើបាបពលរដ្ឋខ្មែរកម្ពុជាក្រោមរាប់ឆ្នាំមកហើយ ។​ លោកបានមាន
ប្រសាសន៍ថា «អាហ្នឹងវាជារឿងធម្មតា របស់យួនទៅហើយ តែងតែធ្វើការគាបសង្កត់ដល់ប្រជាពល
រដ្ឋខ្មែរកម្ពុជាក្រោមនៅគ្រប់កាលៈ ទេសៈគ្រប់ពេលវេលាទាំងអស់មិនដែលអោយខ្មែរក្រោមមាន
សិទ្ធិសេរីភាព ដើរហើ ឫទៅចូលរួមពិធីផ្សេងៗដោយសេរីទេ ទាល់តែមានរៀបចំពីរដ្ឋាភិបាលទើប
អាចទៅបាន ហើយបើនាំគ្នាទៅអញ្ចឹង គេតែងតែនាំគ្នាបារម្ភដោយសារតែគេចាត់ ទុកខ្មែរកម្ពុជា
ក្រោមជាមុខសញ្ញាដែលគេត្រូវតាមដាន និងគេតែងតែ មានការប្រុងប្រយ័ត្ន ។ ដូច្នេះហើយទើប
សិទ្ធិសេរីភាពខ្មែរកម្ពុជាក្រោមត្រូវគេរឹតបន្តឹងគ្រប់ពេលវេលាទាំងអស់» ។

នៅខែក្រោយនេះ សម្តេចឪ ព្រះនរោត្តម សីហនុ យាងទៅបំពេញព្រះរាជទស្សនកិច្ច នៅប្រទេស
យួនតាមការយាងរបស់អគ្គលេខាធិការបក្សយួន ។ ចំពោះបញ្ហានេះលោកថាច់សេដ្ឋាបានបញ្ជាក់
លោកគ្មានរំពឹងថា ព្រះរាជវត្តមាន របស់សម្តេចឪ និងសម្តេចម៉ែនោះ នឹងអាចនាំមកនូវភាពធូរ
ស្រាលជូនដល់បងប្អូនខ្មែរក្រោមទេ ។

លោកថាច់ សេដ្ឋា បានមានប្រសាសន៍ថា «ខ្ញុំមិនមានជំនឿទេគ្មានអ្វីដែលយួនបន្ថូរបន្ថយទេ រឹតតែ
មានការរឹតបន្តឹងថែមទៀត បើពីមុននៅក្នុងរង្វង់ឆ្នាំ១៩៨០ជាងមករហូតហ្នឹង មិនដែលមានវត្តមាន
ព្រះករុណាផង, យួនតែងតែលើកឡើង អំពីទំនាក់ទំនងរវាងខ្មែរកម្ពុជាក្រោមជាមួយព្រះករុណា
យួនចាប់ដាក់គុកច្រើននាក់, ហើយនរណាមានព្រះឆាយាល័ក្ខណ៍ព្រះករុណាឫក៏ទង់ជាតិខ្មែរហ្នឹង
ក៏ត្រូវបានយួនចាប់ដាក់ពន្ធនាគារដែរ...ហើយសព្វថ្ងៃនេះ ប្រជាពលរដ្ឋខ្មែរកម្ពុជាក្រោមណាគោរព
ស្រឡាញ់សម្តេចឪ ក៏ មិនហ៊ានដាក់តាំងព្រះឆាយាល័ក្ខណ៍ព្រះអង្គនៅក្នុងផ្ទះដែរ ពីព្រោះយួនតាម
ដានណាស់»។ ទោះយ៉ាងណាសកម្មជនខ្មែរ កម្ពុជាក្រោមខ្លះ មានការរំពឹង ថា ព្រះរាជវត្តមានរបស់
សម្តេចឪ និងសម្តេចម៉ែ នៅប្រទេស យួននាពេលឆាប់ៗនេះ នឹងនាំមកនូវភាពធូរស្រាលជូនដល់
បងប្អូនខ្មែរកម្ពុជាក្រោម ៕

read more...

លោកសមរង្ស៊ីចូលរួមក្នុងពិធីកាន់ទុក្ខលើកទី៦១នៃការបាត់បង់ទឹកដីកម្ពុជា ក្រោម

ប្រធាន គណបក្ស ប្រឆាំង នៃ ប្រទេស កម្ពុជា លោក សម រង្ស៊ី នឹង ចូលរួម ពិធី កាន់ទុក្ខ លើកទី ៦១ នៃ ការ បាត់បង់ ទឹកដី កម្ពុជា ក្រោម ដែល អាណា និគម និយម បារាំង កាត់ឱ្យ យួន កាល ពី ថ្ងៃទី៤ខែ មិថុនា ១៩៤៩។

យោងតាមការប្រកាសឱ្យដឹងរបស់សមាគម និងសាខាខ្មែរកម្ពុជាក្រោមនៅតាមរដ្ឋនានា សហ
រដ្ឋអាមេរិកបានឱ្យដឹងថា ខ្មែរកម្ពុជាក្រោមនឹងជួបជុំគ្នាមួយនៅថ្ងៃទី៥ មិថុនា ឆ្នាំ២០១០ នៅក្នុង
វត្តនីតារ៉ាម នៃរដ្ឋហ្លរីដារ ដើម្បីរៀបចំពិធីកាន់ទុក្ខ ថ្ងៃបាត់បង់ទឹកដីកម្ពុជាក្រោម ដែលមានការ
ចូលរួមពីលោកសម រង្ស៊ី ប្រធានគណបក្សសម រង្ស៊ី ផងដែរ ។

ពិធីដែលរៀបចំឡើងដោយបងប្អូនខ្មែរកម្ពុជាក្រោម នៅឯអាមេរិកនោះក៏មានការចូលរួមពី
ឥស្សរជនខ្មែរកម្ពុជាក្រោមនៅក្រៅប្រទេសជាច្រើនរូបដូច ជា លោកថាច់ កែប ប្រធានវត្តនីតារ៉ាម,
លោកដាញ់ តិច ប្រ ធានសមាគមលោកសឺងសឿង ប្រធានសាខា នៃសហព័ន្ធខ្មែរកម្ពុជាក្រោមរដ្ឋ
ហ្លរីដារ ។

សេចក្តីរាយការណ៍ បានឱ្យ ដឹងថា កម្មវិធីនោះនឹងប្រព្រឹត្តទៅរយៈពេល២ថ្ងៃ គឺចាប់ពី ថ្ងៃទី៥-៦
ខែមិថុនា ២០១០ ខាងមុខនេះ នៅវត្តនីតារ៉ាមជា រដ្ឋដែលប្រជុំទៅដោយបងប្អូន ខ្មែរកម្ពុជាក្រោម
ក្នុងទីក្រុងអូឡិនដូ រដ្ឋហ្លរីដារ សហរដ្ឋអាមេរិក ។

គណៈកម្មការរៀបចំពិធីក៏បាននិមន្តព្រះតេជគុណ ទឹម សាខន អតីតព្រះចៅអធិការវត្តភ្នំដិន
ខាងជើង ខេត្តតាកែវនៃព្រះរាជាណាចក្រកម្ពុជាផងដែរ ។ ព្រះអង្គត្រូវបានអាជ្ញាធខ្មែរចាប់ ផ្សឹក
កាលពីឆ្នាំ២០០៧ ហើយបញ្ជូនឱ្យអាជ្ញាធរយួនដាក់ពន្ធនាគារនៅខេត្តអាងយ៉ាងប្រទេសយួន រួច
បានដោះលែងឱ្យ មានសេរីភាពវិញ បន្ទាប់ពីមានការថ្កោលទោស របស់អង្គការជាតិ និងអន្តរជាតិ។
សព្វថ្ងៃព្រះអង្គបាននិមន្តចាកចេញទៅប្រទេសទីបី ដែលទទួលបាននូវ កិត្តិយស និមន្តឱ្យចូលរួម
នៅក្នុងពិធីកាន់ទុក្ខ នៃការបាត់បង់ទឹកដីកម្ពុជាក្រោមនៅសហរដ្ឋអាមេរិក ។

ពិធីនោះមានការនិមន្តមន្ត្រីសង្ឃចំនួន២អង្គទៀតផងដែរ គឺព្រះនាមញ៉ែម តូន និងព្រះតេជគុណ
គឹម មឿន ដែលតុលាការយួន បានដោះលែងកាលពីឆ្នាំ២០០៨ ហើយបានភៀស ព្រះកាយទៅ
ក្រៅប្រទេសសាង ព្រះភ្នួសឡើងវិញ នៅវត្តមួយ ក្នុងទីក្រុងភីឡាឌែលហ្សាសហរដ្ឋអាមេរិកកាលពី
សប្តាហ៍កន្លង ទៅនេះ ។ នៅថ្ងៃទី២ នៃកម្ម វិធីគឺពលរដ្ឋខ្មែរបានជួបជាមួយ មន្ត្រីសង្ឃទាំង៣អង្គនេះ
ដែលជាសាក្សីរស់ដោយផ្ទាល់ និងជា ពិសេសនោះ ពលរដ្ឋខ្មែរយើង នឹងបានជួបសន្ទាដោយផ្ទាល់
ជាមួយលោកសម រង្ស៊ី ប្រធានគណបក្សសម រង្ស៊ី ។

យោងតាមការបញ្ជាក់របស់ អ្នករៀបចំកម្មវិធីបានឱ្យដឹងថា លោកអ៊ំ សឿន អតីតឯកអគ្គរាជទូតខ្មែរ
ប្រចាំសហរដ្ឋអាមេ រិក ក៏ចូលរួមស្តាប់ និងសន្ទនាដោយផ្ទាល់ជាមួយលោកសម រង្ស៊ី ព្រះសង្ឃខ្មែរ
និងបងប្អូនប្រជាពលរដ្ឋខ្មែរនៅទីនោះដែរ ។

ជាមួយគ្នានោះដែរ ក៏មានវេទិកាតុមូល សួរដេញដោលគ្នា រវាងអ្នកចូលរួម ជាមួយលោក សម រង្ស៊ី
អំពីស្ថានភាព នៃការបោះបង្គោលព្រំដែនជាមួយប្រទេសជិតខាង ជាពិសេសការ បោះបង្គោល
ព្រំដែនជាមួយប្រ ទេសយួន ដែលធ្វើអោយប្រជាកសិករខ្មែរ រស់នៅតាមតំបន់ព្រំដែននិយាយថា
ធ្វើឱ្យបាត់បង់ដីស្រែរបស់ពួកគាត់ ។

លោកសម រង្ស៊ី ក៏នឹងត្រៀមឯកសារភស្តុតាងដែលបញ្ជាក់ ដោយសាស្ត្រាជំនាញព្រំដែនជនជាតិ
ស្វីស ដើម្បីប្រាប់ដល់ប្រ ជាពលរដ្ឋខ្មែរ នៅសហរដ្ឋអាមេ រិកថា កម្ពុជាពិតបាត់បង់ទឹកដីរាប់រយ
ម៉ែត្រ នៅក្នុងការបោះ បង្គោលព្រំដែនជាមួយយួនត្រង់ បង្គោលព្រំដែន លេខ១៨៤, ១៨៥, ១៨៦
និងលេខ១៨៧ មែន ។ ជាមួយគ្នានោះផងដែរ លោកសម រង្ស៊ី នឹងបង្ហាញដល់ ប្រជាពលរដ្ឋខ្មែរ
ពាក់ព័ន្ធទៅ នឹងការ ដកតម្រុយបង្គោល ព្រំ ដែនឈ្លានពាន លេខ១៨៥ ឱ្យ ពលរដ្ឋខ្មែរយើង
បានឃើញឱ្យកាន់តែច្បាស់ ។

មន្ត្រីរដ្ឋាភិបាល តែងតែធ្វើការបដិសេធ ទៅនឹងព័ត៌មាន ដែលថាប្រទេសកម្ពុជាបាត់បង់ទឹកដី
ដោយសារបោះបង្គោល ព្រំដែន ជាមួយប្រទេសជិតខាងយើង ។

ប៉ុន្តែក្រោយពីលោក សម រង្ស៊ី ដឹកនាំចលនាអ្នកភូមិកោះក្បានកណ្តាល ឃុំសំរោង ស្រុក ចន្ទ្រា
ដកតម្រុយបង្គោល ព្រំ ដែនឈ្លានពាន លេខ១៨៥រួច មក, យួនបានដកគំរោងកសាង បង្គោល
ព្រំដែន លេខ ១៨៤, ១៨៦ និង១៨៧ យកទៅស្រុកគេវិញទាំងអស់ ដោយបានគាស់ ដែក និងជីក
គ្រឹះយកទៅវិញតែម្តង ។ ការដកបង្គោលព្រំ ដែន លេខ១៨៥នេះ បានធ្វើឱ្យ នាយករដ្ឋមន្ត្រីយួន
លោកង្វៀន តាន់ឌុង អំពាវនាវឱ្យមេដឹកនាំ ខ្មែរមានវិធានការទៅលើលោក សម រង្ស៊ី ផងដែរ ។
ពេលនោះ តុលាការខ្មែរ ក៏ផ្តន្ទាទោសទៅ លើលោកសម រង្ស៊ី និងអ្នកភូមិស្របគ្នានឹងការអំពាវ
នាវរបស់មេដឹកនាំយួននោះដូចចិត្ត ។

បញ្ហានេះបានធ្វើឱ្យមហាជន ខ្មែរនិយាយថា បើគ្មានចលនា ដឹកនាំដោយលោកសម រង្ស៊ី ដក
តម្រុយ បង្គោលលេខ១៨៥ទេ ម៉្លោះយួន បោះបង្គោលព្រំដែន រួចរាល់ជាស្ថាពរធ្វើឱ្យខ្មែរយើង
មិនអាចតវ៉ាបានឡើយ ៕

read more...

អង្គការអន្តរជាតិទិទៀនការតែងតាំងឱមយ៉ិនទៀងធ្វើប្រធានអង្គភាពប្រឆាំងនឹងអំពើពុករលួយ

ប្រតិកម្ម កាន់តែ បង្ហាញ នូវ ភាព ក្តៅ គគុក ខ្លាំង ឡើង ពីសំណាក់ មន្ត្រីអង្គការសង្គម ស៊ីវិលជា ពិសេស អន្តរជាតិ ដោយទិទៀន ការ តែងតាំង លោក ឱម យ៉ិនទៀង ទីប្រឹក្សាពិសេស នាយក រដ្ឋមន្ត្រី កម្ពុជា ឱ្យកាន់ តំណែង ជាប្រធាន អង្គភាព ប្រឆាំង អំពើ ពុករលួយ។ ហើយ មជ្ឈដ្ឋាន ទាំងនេះ ហៅរក ការចូល រួមរបស់ អង្គការ សហប្រជាជាតិ និង ម្ចាស់ជំនួយ ទាំងឡាយ តាមដាន ទាំងការ រឹងមាំនូវអង្គភាព ប្រឆាំង នឹងអំពើពុក រលួយ កុំឱ្យមានការជ្រៀតជ្រែកលូកដៃពី អ្នក នយោ បាយ នៅ កម្ពុជានោះ។

បណ្តាមន្ត្រីអង្គការសង្គម ស៊ីវិលអន្តរជាតិនោះមានលោក បេស៊ីល ហ្វែរណាន់ដូ ប្រធានគណៈ
កម្មការសិទ្ធិមនុស្សអាស៊ី មូលដ្ឋាននៅហុងកុងបានហៅ ច្បាប់ប្រឆាំងនឹងអំពើពុករលួយ នៅកម្ពុជា
ដែលចូលជាធរមាននោះថា ជាច្បាប់គួរឱ្យអស់សំណើច និងជាច្បាប់អន់។

លោក បេស៊ីល ហ្វែរណាន់ដូ ដែលជារឿយៗតាមដានស្ថានការណ៍សិទ្ធិមនុស្ស និងការវិវឌ្ឍន៍
សង្គមសេដ្ឋកិច្ចនៅកម្ពុជា ទាំងក្នុងអតីតកាលបានហៅ អំណាចត្រួតត្រានៅកម្ពុជាដោយគណបក្ស
ប្រជាជនថាធ្វើឡើង «នៅក្រោមអំណាចកាំភ្លើង» នោះ ថ្មីៗនេះនៅក្រោយការ តែងតាំងលោក ឱម
យ៉ិនទៀង ជាប្រធានអង្គភាពប្រឆាំងនឹង អំពើពុករលួយ សកម្មជនសិទ្ធិ មនុស្សនេះហៅច្បាប់ថ្មីនៃ
កម្ពុជា ថាជាច្បាប់ឆ្គួត។

លោក ហ្វែរណាន់ដូ បាន ថ្លែងយ៉ាងនេះ «នេះជាច្បាប់ ឆ្គួតលីលាមួយ ហើយមិនមែន ជាច្បាប់ត្រឹម
ត្រូវនោះឡើយ។ អ្វីដែលត្រឹមត្រូវ គឺគេត្រូវការ ពារនិងរក្សាការសម្ងាត់ដល់អ្នក ហ៊ានរាយការណ៍ពី
អំពើពុករលួយ។ អ្នកទាំងនោះត្រូវមានសេរីភាព បរិបូរណ៍ពីការភ័យខ្លាច ហើយ ក៏គ្មានការរងការ
ផ្តន្ទាទោស ឬ ដាក់ពិន័យពីករណីនៃការប្តឹង អំពីអំពើពុករលួយឡើយ។ដូច្នេះ ហើយខ្ញុំនិយាយថា
នេះជាច្បាប់ ដែលគ្មានន័យខ្លឹមសារ ហើយ ជាច្បាប់ដ៏អាក្រក់ »។

ចំណែកឯមន្ត្រីជាន់ខ្ពស់នៃ អង្គការឃ្លាំមើលសិទ្ធិមនុស្ស ពិភពលោកដ៏ធំមួយយូមែនរ៉ាយវ៉ចមាន
ទីស្នាក់ការធំនៅរដ្ឋធានី វ៉ាស៊ីនតោនសហរដ្ឋអាមេរិកវិញ លោកស្រីបានបញ្ចោញប្រតិកម្មទិទៀន
ចំពោះការតែងតាំងលោក ឱម យ៉ិនទៀង ហើយថែមទាំង បានជម្រុញឱ្យប្រធានអង្គភាពប្រឆាំង
នឹងអំពើពុករលួយតែង តាំងថ្មី គឺ ឱម យ៉ិនទៀង នេះ ប្រកាសអំពីទ្រព្យសម្បត្តិរបស់ ខ្លួនជាមុនសិន
មុននឹងកាន់ការនោះ។

លោកស្រី សូហ្វី រិឆាដសិន នៃអង្គការយូមែនរ៉ាយវ៉ចបាន មានប្រសាសន៍យ៉ាងនេះអំពី ឱម យ៉ិន
ទៀង «គាត់ទំនងជា ចូលចិត្តធ្វើការលើបញ្ហានេះ។ មជ្ឈដ្ឋានទាំងឡាយចោទថា ឱម យិនទៀត
ជាអ្នកធ្លាប់ប្រព្រឹត្តអំពើពុករលួយជាយូរមកហើយ។ ដូច្នេះគាត់ពិតជាដឹង ហើយអំពីអំពើពុករលួយ។
គាត់ ត្រូវប្រកាសអំពីទ្រព្យសម្បត្តិ របស់គាត់ជាសាធារណៈជាមុន សិន មុននឹងធ្វើការងារនេះ»។

រីឯអង្គការ Global Witnesss ដែលតាមដានយ៉ាងដិតដល់នូវដំណើរនៃការគ្រប់គ្រងប្រទេសកម្ពុជា
ទាំងជាហូរហែ ធ្វើការសិក្សាស្រាវជ្រាវប្រមូល បាននូវឯកសារតឹកតាងមួយចំនួនចេញជារបាយ
ការណ៍សាធារណៈ ផ្តល់ជាអនុសាសន៍ដល់មេដឹកនាំ កម្ពុជាកែលម្អស្ថានការណ៍អាក្រក់ទាំងឡាយ
ក្នុងប្រទេសនោះ អង្គការមានមូលដ្ឋាននៅចក្រភព អង់គ្លេសក៏មានចំណែកនៅក្នុងប្រតិកម្មដ៏ខ្លាំងក្លា
ចំពោះការតែង តាំងលោក ឱម យ៉ិនទៀង នេះដែរ។

លោក ចច បូដិន មន្ត្រីយុទ្ធ នាការនៃអង្គការបរិស្ថានពិភពលោក Global Witnesss បានលើកហេតុ
ផលអធិប្បាយថា កាលលោក ឱម យ៉ិនទៀង នៅធ្វើជាប្រធានគណៈកម្មការសិទ្ធិមនុស្សរបស់
រដ្ឋាភិបាលនោះ ក៏មិនឃើញលទ្ធផលល្អប្រសើរអ្វី ខាងផ្នែករំលោភសិទ្ធិមនុស្សនោះ ទេ ឃើញតែ
ប្រជារាស្ត្ររងការ រំលោភសិទ្ធិមនុស្សយ៉ាងច្រើន។

លោក ចច បូដិន បានមានប្រសាសន៍ថា​ «ខណៈដែលលោក ឱម យ៉ិនទៀង បំពេញតួនាទីជា
ប្រធានគណៈកម្មាធិការសិទ្ធិ មនុស្ស យើងឃើញមានបញ្ហាជាច្រើននៅក្នុងប្រទេសកម្ពុជា ដូចជា
បញ្ហាដីធ្លី ការដេញប្រជា រាស្ត្រពីលំនៅដ្ឋានដោយបង្ខំ ការពុំមានសំណងជួសជុលការ ខូចខាត
សមរម្យ ការរឹតត្បិតសេរីភាពបញ្ចោញមតិជាដើម»។

ជាបន្ថែមនោះ លោក ចច បូដិនបានកត់សម្គាល់ថា «យើង មិនឃើញប្រទេសណានៅលើពិភព
លោកតែងតាំងអ្នកនយោបាយឱ្យតាមដានស៊ើបអង្កេត អំពើពុករលួយក្នុងជួរមន្ត្រីរដ្ឋាភិបាលខ្លួន
ឯងឡើយ។ ធ្វើដូច្នេះ ជាការអាចបំផ្លាញស្ថាប័នកំចាត់ អំពើពុករលួយនេះតែម្តង »៕

read more...

តាមសម្តីជាមយៀបអ្នកស៊ីប្រាក់ខែមន្ត្រីរាជការខ្មោចជាង២លានដុល្លារក្នុង មួយឆ្នាំគ្មានទោសទេ

មន្ត្រី រដ្ឋាភិបាល បាន និយាយ ថា ពួកគេ មិនច្បាស់ ថា តើអ្នក ដែល ទទួល ប្រយោជន៍ ពីប្រាក់ខែ មន្ត្រី រាជការ ខ្មោច នឹងត្រូវ ទទួល ទោស ទៅ តាម ច្បាប់ ប្រឆាំង អំពើ ពុករលួយ ដែលទើប អនុម័ត ដែរឫ យ៉ាងណាទេ ដែល បញ្ហានេះ បាន បង្កើត ឡើង ជា ចម្ងល់ ទៅលើការ អនុវត្តន៍ ច្បាប់ដែល គេទន្ទឹម រង់ចាំ ជាយូរ មក ហើយ នោះ ។

ប៉ុន្តែបើតាមការពន្យល់ ពីលោកជាម យៀប មន្ត្រីជាន់ខ្ពស់គណបក្សប្រជាជនបានឱ្យដឹងថា អ្នក
ដែលស៊ីប្រាក់ខែ ពីមន្ត្រីរាជការខ្មោច ដែលធ្វើឱ្យរដ្ឋខាតបង់ថវិកាប្រមាណ២លានដុល្លារ ក្នុងមួយ
ឆ្នាំនោះនឹង គ្មានទោសទេ, ហើយលោកឱម យ៉ិន ទៀង ប្រធានគណៈកម្មការប្រឆាំងអំពើពុករលួយ
ថ្មី ដែលទើបបានតែងតាំងនឹងមាន វិធានការយ៉ាងណា បើអំពើពុក រលួយលេចចេញយ៉ាងក្រឡៅៗ
ឱ្យសាធារណៈជនបានដឹងទៅហើយនោះ ។

ភ្នំពេញប៉ុស្តិ៍ កាលពីថ្ងៃទី២១ ឧសភា ២០១០ បានស្រង់សម្តីលោកង៉ោ ហុងលី អគ្គលេខាធិការ
ក្រុមប្រឹក្សាកំណែទម្រង់រដ្ឋបាល នៃទីស្តីការ គណៈរដ្ឋ មន្ត្រី ដែលនិយាយថា ជំរឿនមន្ត្រីរាជការ
ស៊ីវិល ដែលចាប់ផ្តើមកាលពីខែមុនបានរកឃើញ មន្ត្រីរាជការខ្មោចឫបុគ្គលិករដ្ឋដែលបានលាឈប់
ពីការងារតែនៅមានឈ្មោះ ក្នុងតារាងបើកប្រាក់ខែប្រមាណ២.០០០នាក់ ក្រោយពេលបញ្ចប់ការ
រាប់ក្នុងក្រសួងស្ថាប័នរដ្ឋាភិបាលចំនួន២១ ក្នុងចំណោមក្រសួងសរុបចំនួន២៦ ។

លោកមិនយាយ អំពីមន្ត្រី ពុករលួយដែលទទួលបានប្រាក់ ខែពីមន្ត្រីរាជការខ្មោចទាំងអស់ នោះ
ត្រូវមានទោសតាមច្បាប់ប្រឆាំងអំពើពុករលួយ ឫយ៉ាងណាទេ ។ បើទោះបីជា លោក ង៉ោ ហុងលី
បានលើកឡើងថា ឈ្មោះមន្ត្រីខ្មោច ដែលបានរាប់រួចរាល់មកទល់នឹងពេលនេះ ធ្វើឱ្យរដ្ឋខាតបង់
ប្រាក់ប្រមាណ២លានដុល្លារអាមេរិកក្នុងមួយឆ្នាំក៏ដោយនោះ ។

លោកជាមយៀប សមាជិក សភាគណបក្សប្រជាជនមណ្ឌលព្រៃវែងបានថ្លែងថា ច្បាប់ប្រឆាំងអំពើ
ពុករលួយមានចែងអំពីបញ្ហានេះ ។ លោកបានគូស បញ្ជាក់ថា បើបុគ្គលណា ត្រូវ បានរកឃើញថា
លួចប្រាក់ខែរបស់មន្ត្រីរាជការខ្មោច ដាក់ចូលហោប៉ៅផ្ទាល់ខ្លួន ច្បាប់បានចែងថា ព្រះរាជអាជ្ញា
មានសិទ្ធិ ដាក់ពាក្យបណ្តឹងដើម្បីដាក់ទណ្ឌ កម្មដល់បុគ្គលនោះ ។ លោក បានបន្តថា លោកមិនគិត
ថា វាជាពេលវេលាសមរម្យសម្រាប់ដាក់ទោសទណ្ឌលើមន្ត្រីរដ្ឋាភិ បាលនិងបុគ្គលិកទាំងឡាយណា
ដែលរកឃើញថា បានប្រព្រឹត្តល្មើសនឹងច្បាប់ពុករលួយភ្លាមៗនោះទេ ដោយលោកបានលើកឡើង
ថា ពួកគេប្រហែលជាមិនដឹងថាខ្លួនពួកគេបានប្រព្រឹត្តខុសច្បាប់ផង ។

លោកជាម យៀប បានថ្លែងដូច្នេះថា «ដើម្បីការងារពង្រឹង ច្បាប់ របស់យើង ជាជំហានដំបូងយើង
គ្រាន់តែព្រមានបុគ្គលណាដែលបានយកប្រាក់ខែរបស់ឈ្មោះមន្ត្រីខ្មោចទាំងនោះសិន, យើងត្រូវធ្វើ
មួយជំហានម្តងៗ»។

លោកយឹម សុវណ្ណ អ្នកនាំពាក្យគណបក្សសម រង្ស៊ី បានមានប្រសាសន៍ថា បើបទល្មើស ដែល
ប្រព្រឹត្តដោយមន្ត្រីថ្នាក់ខ្ពស់ មិនត្រូវបានគេអើពើនោះ ការកាត់ទោសមន្ត្រីថ្នាក់តូច តាចអាចមាន
ផលអាក្រក់ច្រើនជាងល្អ ។ លោកបានមានប្រសាសន៍ថា «សម្រាប់មន្ត្រីថ្នាក់តូច ការអប់រំគួរតែ
ត្រូវប្រើសិន ហើយក្រោយមកបង្រៀនពួកគេម្តងហើយម្តងទៀត​ ដើម្បីឱ្យពួកគេយល់ច្បាប់។
មន្ត្រីពុករលួយត្រូវតែនាំយកទៅប្រឈមមុខនឹងច្បាប់ ចាប់ផ្តើមពីមន្ត្រីថ្នាក់កំពូលមុន ។ ពេលខ្លះពួក
គេគ្រាន់តែ កាត់ទោសមន្ត្រី តូចតាច និងអំពើពុករលួយស្រាលៗតែប៉ុណ្ណោះ »។

ការបញ្ចោញរបាយការណ៍នៃការបាត់បង់ប្រាក់រដ្ឋប្រមាណជាង២លានដុល្លារ ទៅលើមន្ត្រីរាជការ
ខ្មោចនេះ វាហាក់ដូចជា ការងារយ៉ាងប្រញាប់ប្រញាល់ មួយ រង់ចាំស្វាគមន៍លោកឱម យ៉ិនទៀង
ប្រធានអង្គភាពប្រឆាំងអំពើពុករលួយថ្មី ដែលជាមន្ត្រីដ៏មានទំនុកចិត្តរបស់លោក ហ៊ុន សែននោះ ។
ដូច្នេះគេចាំមើលថា តើលោកឱម យ៉ិនទៀង នឹងមានវិធានការយ៉ាងណា ទៅលើពួកមន្ត្រីពុករលួយ
ទាំងនោះ ដើម្បីទាក់ទាញការជឿជាក់ពីអ្នកដែលរិះគន់លោកជុំទិសពីការទទួលតំណែង ជាប្រធាន
គណៈកម្មការប្រឆាំងអំពើពុករលួយនេះ ៕

read more...